İnformasiya qaynaqları ABŞ prezidentinin Səudiyyə Ərəbistanına səfəri zamanı Fələstin Dövlətini rəsmi tanıdığını elan etmə ehtimalından xəbər verirlər.
Qafqaztimesin xarici medialara istinadən verdiyi məlumata əsasən, adının çəkilməsini istəməyən Fars Körfəzi hövzəsi ölkələrinin bir rəsmi mənbəyi bu gün (10 may) elan edib: Prezident Tramp səfəri çərçivəsində ABŞ-nin Fələstin Dövlətini tanıdığını bəyan edəcək. Amerika lideri Fələstinin Həmasın iştirakı olmadan qurulmasını istəyir. Mümkün bəyanatda bu da yer alacaq.
Mənbə həmçinin əlavə edib: “Amerikanın Fələstin Dövlətini tanıması barədə açıqlama verilərsə, bu, Yaxın Şərqdə qüvvələr balansını dəyişən çox ciddi bəyanat olacaq, bundan sonra çoxsaylı ölkə İbrahim sazişlərinə qoşulacaq”.