Çinin cənub bölgələri son 60 ilin ən güclü leysan və daşqınlarına məruz qalıb.
Dövlət mediasının məlumatına görə, ən azı yeddi əyalətdə güclü sürüşmə baş verib və bir çox yollar su altında qalıb.
Cənub-qərbdəki Quizhou əyalətində daşan çaylar yolları sıradan çıxarıb, avtomobilləri və evləri sürükləyib aparıb. Qafqaztimes.com-un SİNHUA=ya istinadən verdiyi xəbərə görə, yerli meteorologiya büroları Quangxi, Guangdong və Fujian əyalətlərində yağıntıların 1961-ci ildən bəri ən yüksək səviyyəyə çatdığını bildirib. Belə ki, bu ərazilərdə mayın 1-dən iyunun 20-dək 46 gün ərzində orta hesabla 621 millimetr (24,4 düym) yağıntı qeydə alınıb. Milli İqlim Mərkəzinin məlumatına görə, bu rəqəm 2021-ci il üçün orta 672 millimetrin 90%-dən çoxunu təşkil edir.