Bədxahların gözləntisinin əksinə olaraq İİR-da keçirilən 13-cü prezident seçkilərində böyük aktivlik müşahidə olundu

Qafqaztimes xəbər verir ki, İİR-da keçirilən 13-cü prezident seçkiləri üçün səsvermə gecə saat 02:00- da rəsmi olaraq bitdi. Bütün statistik göstəricilər xalqın bu səsvermədə böyük izdihamla iştirakından xəbər verir. Bir neçə aydır ki, bəzi siyasi cərəyanların davamlı olaraq xalqın seçkilərə qatılmayacağı və İslam Respublikasının bu seçkilərdə məğlub olacağı iddiasına baxmayaraq, seçkilərdə yüksək fəallıq müşahidə olundu.

Seçkilərdən xeyli əvvəl keçirilən rəy sorğularına görə  koronovirus pandemiyası səbəbindən seçicilərin 9-21%-ə qədər  azalması ehtimal olunurdu. Eləcə də cəmiyyətin bəzi zəif və məhrum hissələrinin seçkilərə qatılmaq istəməməsi də seçicilər arasındakı faiz göstəricisinin aşağı olacağı ilə bağlı narahatlıqları artırırdı. Lakin reallıq budur ki, bu seçkilər bədxahların gözləntisinin əksinə olaraq böyük aktivliklə keçirildi.