QafqazTimes xəbər verir ki, Suriya Xəbər Agentliyinin (SANA) məlumatına görə, Suriya prezidenti Bəşar Əsəd ölkədə cinayət məcəlləsini yüngülləşdirərək ağır iş cəzasını həbslə əvəz edib.
SANA-nın məlumatına görə, Suriya prezidenti ölkənin cinayət məcəlləsinə düzəlişlər edən sirkulyar dərc edərək, ağır əmək üçün daimi və müvəqqəti cəzaları ömürlük və ya müvəqqəti həbslə əvəz edib.
Təqdimatda həmçinin milli və ya etnik mənsubiyyəti təhqir etməyə və ya irqi və dini ixtilaf yaratmağa, o cümlədən şantajla müşayiət olunan yalan və ya şişirdilmiş xəbərlər yaymağa və ümidsizlik hissi yaratmağa görə cəzanı yüngülləşdirərək 6 ay həbslə əvəz edib.
O, həmçinin düşmən ölkənin müsbət imicini əks etdirən xəbərlər dərc etməyə görə cəzanı 6 aya endirib.
Yeni dəyişikliyə görə Suriya ərazisinin bir hissəsinin ayrılması və ya separatçılıq iddiaları ilə çıxışa görə ən azı bir il həbs cəzası nəzərdə tutululur.
Xatırladaq ki, bazar günü Suriya prezidenti “Silah daşınması haqqında” qanuna düzəlişlər edib. Suriya prezidenti 2001-ci il tarixli 51 saylı “Silah və sursat haqqında” qanunun bir sıra maddələrində dəyişiklik edən 2022-ci il tarixli 14 saylı qanunu qəbul edib.
“Silah və döyüş sursatları haqqında” qanuna dəyişiklik edilməsində məqsəd silahdan sui-istifadə hallarının qarşısının alınmasına və nəzarət altına alınmasına nail olmaqdır.