Törətdiyi qayda pozuntularına görə sosial şəbəkələrdə “Zerikalni Əliyar” kimi tanınan 77 yaşlı Əliyar Dadaşov yenə qayda pozuntusu ilə gündəmə gəlib. Görüntülərdən də göründüyü kimi, sürücü avtomobili sıxlıq olan yolda saxlayaraq yuxulayır. Yalnız ətrafdakı avtomobillərin siqnallarından sonra oyanaraq yoluna davam edir.
Qeyd edək ki, 10-MM-100 dövlət qeydiyyat nişanlı “Toyota Prado” markalı avtomobilin paytaxtı küçələrində qayda pozması haqqında dəfələrlə elektron ünvanımıza müraciətlər daxil olub. Sürücü törətdiyi əmələ görə dəfələrlə cərimə edilsə də, yenə qayda pozuntularını təkrarlamaqda davam edir. Onun son zamanlar gün ərzində hətta bir neçə dəfə qayda pozuntusu törətməsini şahidi oluruq.
Ümid edirik ki, Dövlət Yol Polisi İdarəsi hər hansı ağır qəzaya səbəb olmadan qeyd edilən şəxsi sərt şəkildə cəzalandıracaq.
Həmin görüntüləri təqdim edirik.
