Yaponiyanın cənub-qərbində Sakuracima vulkanı püskürüb.
Qeyd olunur ki, fevralın 8-də səhər Kaqoşima prefekturasında yerləşən Sakuracima aktivləşməyə başlayıb. Yerli meteoroloji rəsədxananın məlumatına görə, vulkanın püskürmə hündürlüyü 1 000 m olub. Bunun ardınca zəlzələ baş verməsi ehtimalı güclənib.
Məlumatda, həmçinin qeyd olunub ki, səhər saatlarında Kyuşu adasından bir qədər aralıda, Filippin dənizində 4,0 bal gücündə zəlzələ də baş verib. Yeraltı təkanların davam etməsi ehtimalına görə insanlara xəbərdarlıq edilib.