QafqazTimes xəbər verir ki, İraqın “Əl-Vəd əl-Həqq briqadası verdiyi bir açıqlamada bildirib ki, bu qrup 4 pilotsuz təyyarə ilə BƏƏ-nin paytaxtında strateji obyektlərə hücum edib.
Bu qrup bəyanatında əlavə edib: “BƏƏ region hökumətlərinə, xüsusən də Yəmən və İraqa müdaxiləni dayandırmadığı müddətcə, bu hücumlar daha şiddətli və ağrılı olmağa davam edəcəkdir.”
Kiber məkanda yəmənli istifadəçilər Yəmənə qarşı qəddar Səudiyyə-BƏƏ-Amerika təcavüzünə qarşı mübarizədə Yəmən xalqının yanında olduqları üçün bu qrupa təşəkkür ediblər. Bununla bağlı Yəməndə “Əl-Vəd Əl-Həqq briqadası, təşəkkürlər” və “Əl-Vəd Əl-Həqq briqadası bizim fəxrimizdir” həştəqləri populyarlaşıb.
Nasruddin Amir adlı istifadəçi Twitter-də yazıb: “Biz ABŞ və İsrailin əlaltılarının, yəni Səudiyyə Ərəbistanı və BƏƏ hökumətlərinin regionda törətdiyi iyrənc cinayətlərə qarşı ayağa qalxan hər kəsə ayrı-ayrılıqda təşəkkür edir və bu ümmətin kürəyinə sancılmış zəhərli xəncər olan bu satqın hökumətlərə qarşı onların şərəfli mövqeyini dəstəkləməyə davam edirik.”