Yəmən Ənsarullah Hərəkataının mətbuat katibi hər hansı bir koalisiyanın onların Qəzzə ilə əlaqədar mövqelərinin dəyişməyəcəyini vurğulayaraq deyib: Amerikanın Qırmızı dənizdə koalisiya yaratmasına ehtiyac yox idi. Yəmən suları İsrail və İsrailə gedənlərdən başqa digər gəmilər üçün açıqdır.
Təsnim İnformasiya Agentliyinin məlumatına əsasən, Ənsarullah sözçüsü və Yəmən milli müzakirə heyətinin sədri Məhəmməd Əbdülsalam Reutersə müsahibəsində bu sözləri deyib.
Məlumata görə Yəmən ali siyasi şurasının üzvüü Məhəmməd Əlbəxiti deyib: Hətta Amerika bütün dünyanı yığıb koalisiya yaratsa belə, bizim əməliyyatlarımız Qəzzədə soyqırımı bitənədək davam edəcək. Allahın əmri ilə biz məzlumların müdafiəsindən əl çəkməyəcəyik.