Yəmən Silahlı Qüvvələrinin sözçüsü ABŞ hava hücumlarının yəmənlilərin Fələstini dəstəkləməsinə heç vaxt mane olmayacağını vurğulayaraq, sionist rejimin Ben Qurion hava limanını Zülfüqar ballistik raketi ilə vurduqlarını elan edib.
Qafqaztimesin xarici medialara istinadən verdiyi məlumata əsasən, Yəhya Səri bu gün (30 mart) elan edib: Biz Zülfiqar ballistik raketi ilə işğal altındakı Yaffa bölgəsindəki (Təl-Əviv) Ben Qurion hava limanını hədəf aldıq və bu əməliyyat Allahın lütfü ilə uğurla keçdi. Biz bu əməliyyatlar vasitəsilə Yəmənin məzlum Fələstin xalqını dəstəkləməsinin qarşısını almaqda Amerika təcavüzünün uğursuzluğunu sübut edirik.
Yəhya Səri əlavə edib: Amerikanın təcavüzü Yəmən Silahlı Qüvvələrinin dini, mənəvi və insani vəzifələrini yerinə yetirməsinə heç vaxt mane olmayacaq. Allahın köməyi ilə bu rejimin Qəzzəyə təcavüzü dayanana və mühasirəsi götürülənə qədər biz sionist düşmənə qarşı əməliyyatlarımızı davam etdirəcəyik.
