Yəmən silahlı qüvvələrinin sözçüsü çərşənbə axşamı axşam saatlarında ölkənin raket bölmələrinin iki xüsusi əməliyyatla Amerikanın “Abraham” təyyarədaşıyan gəmisini hədəfə aldığını bildirib.
Briqada generalı Səri əlavə edib: Yəmən silahlı qüvvələri Ərəb dənizində bir neçə qanadlı raket və pilotsuz uçuş aparatları ilə Amerikanın “Abraham” təyyarədaşıyan gəmisinə hücum edib.
Bu gəmi Yəmənə qarşı düşməncəsinə hücum əməliyyatları aparmağa hazırlaşırdı və bu hücumla Amerikanın hava əməliyyatları uğursuzluğa düçar oldu.
O bildirdi: İkinci əməliyyatda Qırmızı dənizdəki iki Amerika gəmisi bir neçə ballistik raket və pilotsuz təyyarə ilə dəqiq vuruldu.
Yəmən Silahlı Qüvvələrinin sözçüsü həmçinin ABŞ və İngiltərəni Qırmızı dənizi hərbi gərginlik zonasına çevirməkdə və bunun dənizçilər üçün pis nəticələrində günahlandırıb.
Qafqaztimes
Al-alam
