Niderlandda 2020-ci ildə Singer Laren Muzeyindən oğurlanan Vinsent Van Qoqun tablosu tapılıb.
Rəsmin axtarışını Niderland polisi və məşhur incəsənət detektivi Artur Brand birgə aparıblar. Onun sözlərinə görə, hüquq-mühafizə orqanlarının əməkdaşları və Brandın özü tez-tez oğurlanmış sənət əsərinin qaytarılması ilə bağlı çağırışlar ediblərmiş.
Nəhayət, bu çağırışlar öz bəhrəsini verib. Təhlükəsizlik səbəbi ilə adının açıqlanmasını istəməyən bir şəxs oğurlanmış rəsm əsərini Branda verib.
Qeyd edək ki, Van Qoqun bu əsərinin dəyəri üç milyon avro ilə altı milyon avro arasında qiymətləndirilir.