“Twitter” sosial şəbəkəsinin yeni sahibi İlon Mask sosial şəbəkədə bir-birinə pul köçürmək üsulunu təklif edib. Yeni ideyasını o, istifadəçilərlə audioçatda ünsiyyəti zamanı səsləndirib.
Amerikalı milyarderin sözlərinə görə, ödənişli profil yoxlaması olan istifadəçilər hesablarına bağlı bir növ virtual pul kisəsi əldə edə bilərlər.
Bank hesabını “Twitter” hesabı ilə əlaqələndirmək imkanı istifadəçilərə pul mübadiləsi etməyə və ya nağdlaşdırmağa imkan verəcək. Mask bunun əla fikir kimi səsləndiyini vurğulayıb.
Qeyd edək ki, milyarder yaxın aylarda “Twitter”də dəyişiklik gözlənildiyini və sosial şəbəkənin “çoxlu dəlisovluq”lar edəcəyinin anonsunu da verib.