Türkiyənin ədliyyə naziri İstanbul bələdiyyə sədri Əkrəm İmamoğlunun həbsini onun qarşıdan gələn seçkilərdə prezident Rəcəb Tayyib Ərdoğana rəqib olması ilə bağlı hesab etmir.
Qafqaztimesin xarici KİV-lərə istinadən verdiyi məlumata əsasən, Yılmaz Tunç bu gün (21 mart) X sosial media hesabında yazıb: Toplanış və nümayişlər ayrı-ayrı şəxslərin fundamental hüququdur. Amma qanuni araşdırmaya görə insanları toplaşmağa çağırmaq qeyri-qanuni və qəbuledilməzdir.
Etirazçıları sakit olmağa çağıran o, İmamoğlunun həbsi məsələsini Ərdoğanla əlaqələndirməmək barədə xəbərdarlıq edərək deyib: Məhkəmə bu işi müstəqil və qərəzsiz araşdırır.
