ABŞ-ın prezidenti Donald Tramp sionist rejimin baş naziri Benyamin Netanyahu ilə 40 dəqiqəlik telefon danışığında Qəzza müharibəsinin dərhal dayandırılmasını tələb edib. Tramp bildirib ki, təkcə danışıqlarla deyil, həm də faktiki olaraq müharibənin sonlandırılması həm İran, həm də Səudiyyə Ərəbistanı ilə aparılan danışıqlar üçün müsbət nəticə verəcək.
O, eyni zamanda Netanyahudan İrana qarşı planlaşdırılan hərbi hücum ideyasından əl çəkməyi də istəyib. Netanyahu bu hədənin inandırıcı qalmasının vacib olduğunu müdafiə etsə də, Tramp İranla razılaşma əldə etməyə hələ də ümid etdiyini vurğulayıb.