ABŞ Prezidenti Donald Tramp İrana qarşı maksimum təzyiqin bərpası haqqında fərman imzaladıqdan sonra İran prezidenti ilə danışıqlara hazır olduğunu deyib.
Qafqaztimesin xarici medialara istinadən verdiyi məlumata əsasən, ABŞ Prezidenti Donald Tramp yerli vaxtla bu gün (4 fevral) ikinci administrasiyasında İranla bağlı fərman imzaladıqdan sonra bir daha bu variantdan istifadə etməyə ehtiyac qalmayacağını iddia edib.
ABŞ prezidenti İranla bağlı fərmanı imzalayarkən tərəddüd etdiyini qeyd edərək deyib: Bu, İran üçün çox çətindir. Bundan çox tez-tez istifadə etməli olmayacağımıza ümid edirəm.
Daha əvvəl İrana qarşı təzyiqin artırılması niyyətini dövlət katibi Marko Rubio “Fox News” telekanalına müsahibəsində açıqlamışdı.