“Tesla” elektromobilinin avtopilotu manikenlərlə sınaqda uğursuz olduqdan sonra uşaqlar üzərində yenidən sınaqdan keçirilib.
Əsl uşaqların iştirak etdiyi testlər videoya çəkilərək “YouTube”da yerləşdirilib, lakin hostinq bu cür materialı yetkinlik yaşına çatmayanlarla bağlı təhlükəsizlik siyasətinin pozulması hesab edərək videonu silib.
Şirkətin investoru Ted Park sınaqlara öz uşaqlarını cəlb edib. O, öz övladlarının nümunəsindən istifadə edərək göstərib ki, elektromobilin avtopilot sistemi həqiqətən də uşağı tanımağa qadirdir.