QafqazTimes xəbər verir ki, ötən gün (şənbə günü) işğal olunmuş ərazilərin sakinləri növbəti dəfə Təl-Əviv və Hayfada toplaşaraq sionist rejimin baş naziri Benyamin Netanyahuya qarşı nümayiş keçiriblər.
İsrail mediası nümayişçilərin sayının on minlərlə olduğunu təxmin edir. Ötən şənbə günü təkcə Təl-Əvivdə Netanyahuya qarşı keçirilən nümayişdə ən azı 110 min israilli iştirak edib.
İşğal olunmuş ərazilərdə şənbə günləri Benyamin Netanyahunun qara günlərinə çevrilib. Yüz minlərlə sionist mühacirlər ifrat sağçı İsrail kabinetinin ekstremizminə, qeyri-qanuni hərəkətlərinə etiraz olaraq küçələrə axışır. Onlar Likud partiyası və onun müttəfiqləri devrilənədək etirazları davam etdirmək niyyətində olduğunu bildirirlər.
Benyamin Netanyahunun başçılıq etdiyi yeni Təl-Əviv kabinetinin bu ayın 4-də bu rejimin “məhkəmə sistemində islahatlar” planını təqdim etməsindən sonra Netanyahuya qarşı nümayişlər və sionist rejimin partiyaları arasında fikir ayrılıqları artıb. İllərdir korrupsiya, rüşvətxorluq və etibara xəyanət ittihamları ilə mühakimə olunan Netanyahu “məhkəmə hərbi islahatı” adı altında bu rejimin ədliyyə nazirinin köməyi ilə öz mühakiməsini ləğv etmək niyyətindədir.
Bu rejimin kabineti və siyasi partiyaları bu layihədə sionist rejimin məhkəmə sistemini zəiflətmək vasitəsilə, partiya üzvlərini və siyasətçiləri təyin etməklə və hakimlərin bu komitəyə üzv olmasının qarşısını almaqla sionist rejimin məhkəmələrində hakimlərin seçilməsi komissiyasına nəzarət etmək imkanı əldə edəcəklər.
Digər tərəfdən, sionist rejim kabinetinin ədliyyə müşaviri, eləcə də bu rejimin digər nazirliklərinin ədliyyə müşavirlərinin səlahiyyətləri alınacaq və nazir istədiyi ədliyyə müşavirini vəzifəsindən kənarlaşdırmaq və ya təyin etmək imkanına malik olacaq.