“Call of Duty” divarlar, tavanlar və şəxsi əşyalar üçün ən dağıdıcı oyundur.
Bu barədə “Compare The Market”in sorğusundan sonra məlum olub.
Bildirilir ki, “Call of Duty” oyunçularının 33%-dən çoxu oyun zamanı evlərində təsadüfən nəyisə sındırdığını və ya zədələdiyini etiraf edib.
“Fortnite” onlayn oyunu 29%-dən bir qədər çox səslə ikinci olub.
“Dağıdıcı” oyunlar arasında “Grand Theft Auto” və “Mario Kart”ın da adı var.
Qeyd olunub ki, virtual reallıq dəbilqəsi tələb edən VR oyunları da siyahıya daxildir, ancaq onlar verdikləri zərərə görə yuxarıda qeyd olunan bütün franşizalardan geri qalırlar.
Sorğunun nəticələrinə görə, oyunlar zamanı qəzəb nəticəsində orta təmir xərcləri 477,34 dollar təşkil edib. Bu, təxminən ABŞ-da “PlayStation 5” oyun konsolunun qiymətinə bərabərdir.