Rusiyanın Moskva-Abakan təyyarəsinin göyərtəsində dava düşüb. Belə ki, 27 yaşlı qadın hava gəmisinin ayaqyolunda siqaret yandırıb. Stüardessaların buna iradına isə o, nalayiq ifadələrlə cavab verib.
Münaqişənin görüntüləri sosial şəbəkələrdə yayılıb.
Təyyarə eniş etdikdən sonra sərnişin polis tərəfindən saxlanılıb. Onun barəsində Rusiya Federasiyası İnzibati Xətalar Məcəlləsinin “Federal qanunla müəyyən edilmiş tütünçəkmə qadağasının pozulması” və “xırda xuliqanlıq” maddələri ilə inzibati protokollar tərtib edilib.