QafqazTimes xəbər verir ki, sionist rejimin hərbi rəsmiləri bu günlərdə Kariş qaz yatağına və sionist rejimin oradakı qazıntılarına görə Hizbullahla gərginlik barədə danışarkən Hizbullahla yeni müharibənin başlanması ehtimalını irəli sürürlər.
I24 kanalı İsrail mənbələrinə istinadən xəbər verir ki, Təl-Əviv qarşıdakı dövrdə Livan Hizbullahı ilə hərbi qarşıdurmanı istisna etmir və onun Yəmən pilotsuz təyyarələri ilə hədəfə alınma ehtimalını da proqnozlaşdırır.
Bu mənbələr iddia edirlər ki, İran Hizbullah vasitəsilə iki tərəf arasında münaqişə qaydalarını bərpa etmək üçün Təl-Əvivə güclü zərbə vurmağa çalışır. Bu arada İsrailin üzləşdiyi real təhlükə Yəməndədir və Hizbullahla hərbi əməkdaşlıq çərçivəsində İsrailin Ənsarullah tərəfindən hədəfə alınma ehtimalı reallığa çevrilib.”
Bu mənbələrə görə, Hizbullah şimal cəbhəsi ilə İsraili aldadır, lakin İsrail husilərin pilotsuz təyyarələri vasitəsilə cənubdan cəbhənin açılması imkanını da nəzərdən keçirir.
Sionist rejimin ehtiyat qüvvələrinin komandanı Amos Yadlin ötən bazar ertəsi yazdığı bir məqalədə bildirib ki, bu rejim Hizbullahla genişmiqyaslı hərbi münaqişəyə hazır olmalıdır.
Livan Hizbullahının baş katibi Seyid Həsən Nəsrullah tərəfindən Aralıq dənizində sionist rejimin obyektləri və qaz yataqlarının hədəfə alınması ilə bağlı təhdidlərə gəlincə, o, deyib: “Təl-Əviv rəsmiləri münaqişənin qarşısını almaq üçün əllərindən gələni etməlidirlər.”
“Amos Yadlin” daha sonra etiraf edib ki, Hizbullahın təhdidləri boş deyil və biz bu təhdidlərdən sonra əməli addımları gözləməliyik. Bununla bağlı o, Kariş qaz yataqlarına 3 pilotsuz təyyarənin göndərilməsini və Hizbullahın işğal olunmuş Fələstinlə sərhəddə fəallığını xatırladıb.