Benyamin Netanyahu bir daha Qəzzada 60 günlük atəşkəsdən danışıb və əlavə edib ki, ərəb ölkələri ilə münasibətlərin normallaşdırılması üçün Tramp ilə əməkdaşlıq edir.
Qafqaz Times-ın məlumatına görə, Sionist rejimin baş naziri Benyamin Netanyahu “Fox News” telekanalına verdiyi müsahibədə Qəzzada 60 günlük atəşkəslə bağlı razılaşmadan danışıb.
Sionist rejimin baş naziri əlavə edib: “Biz Qəzzada 60 günlük atəşkəs razılaşmasına nail olmaq üçün çalışırıq.” Netanyahu bildirib: “Son ABŞ səfərim zamanı Tramp ilə Qəzzadakı razılaşma barədə əməkdaşlıq apardım.”
Netanyahu bu müsahibədə həmçinin rejimin ərəb ölkələri ilə münasibətlərin normallaşdırılmasına maraqlı olduğunu qeyd edib və deyib: “Biz Tramp ilə ərəb ölkələri ilə münasibətlərin normallaşdırılması istiqamətində əməkdaşlıq edirik.”
Dünən İsrailin 14-cü televiziya kanalı da diplomatik mənbələrə istinadla xəbər verib ki, şənbə günü Əhməd əl-Şaraa-nın Bakıya səfəri ilə eyni vaxtda bu şəhərdə israilli və suriyalı rəsmilər arasında bir görüş baş tutub.
“i24 News” telekanalı isə açıqlayıb ki, Əhməd əl-Şaraa Azərbaycan Respublikasında hər iki tərəfin rəsmilərinin iştirak etdiyi iclaslardan ən azı birində iştirak edib.
Dörd gün əvvəl isə sionist “Israel Hayom” saytı Suriya müvəqqəti hökumətinin başçısı Əhməd əl-Şaraa (Əbu Məhəmməd Culani) ilə sionist rejimin Daxili Təhlükəsizlik Şurasının rəhbəri Tsaxi Hanegbi arasında Əbu-Dabidə keçirilmiş görüş barədə məlumat yaymışdı.
Bu görüş çərçivəsində məlumatlı diplomatik mənbələr “əl-Məyadin” xəbər şəbəkəsinə bildiriblər ki, əl-Şaraa və Hanegbinin təyyarələri eyni vaxtda Əbu-Dabiyə enib və bu görüş Birləşmiş Ərəb Əmirliklərinin prezidenti Məhəmməd bin Zayed tərəfindən koordinasiya olunub.
Diplomatik mənbələr əlavə ediblər ki, keçid dövrü Suriyasının rəhbəri ilə sionist rejimin Daxili Təhlükəsizlik Şurasının rəhbəri arasında aparılan danışıqlar Dəməşq və Təl-Əviv arasında aparılan gizli danışıqlarda mühüm dönüş nöqtəsi kimi qiymətləndirilir.
Diplomatik mənbələr “əl-Məyadin”ə bildiriblər ki, sionist rejim ilə Suriyanın yeni təhlükəsizlik qurumlarının bəziləri arasında müəyyən səviyyədə koordinasiya mövcuddur və Əl-Şaraa sionist rejimin hakimiyyətdə qalması üçün verdiyi dəstək qarşılığında Culan təpələrini İsrailə təhvil verib.