Bu həftə sionist rejimin Knessetində Qadınların Statusu və Gender Bərabərliyi Komitəsində bir neçə qadın ifadə verərək, dini ayinlər zamanı onlara qarşı törədilmiş cinsi zorakılıqları açıqlayıblar.
“Onlar məni bütün ölkə boyu alver obyektinə çevirmişdilər. Məni bir mərasimdən o birisinə aparırdılar. Çılpaq kişilər dairə şəklində dayanırdı. Terapevtim, onun əri və oğlu mənə zərər verirdi. Mənim kimi onlarca digər qız və oğlan da iştirak edirdi,” – zərərçəkənlərdən biri, Yael Şitrit, Jerusalem Post qəzetinə istinadən belə deyib.
Qəzetin məlumatına görə, bu guya “dini” ayinlərdə iştirak edənlər arasında həkimlər, müəllimlər, polis əməkdaşları və hətta Knesset üzvləri də olub.
Başqa bir zərərçəkən, Yael Ariel isə bildirib ki, 5 yaşından gənclik illərinə qədər “ayin xarakterli zorakılığa” məruz qalıb və başqa uşaqlara zərər yetirməyə də məcbur edilib.