Livan mediaları sionist rejimin ölkənin şərq sərhədlərində yerləşən Bəqanın hava məkanına təcavüzündən xəbər verir.
Qafqaztimesin xarici KİV-lərə istinadən verdiyi məlumata əsasən, Livan mediaları dünən axşam (13 mart) bu xəbəri elan edərək yazıb: İsrail rejimin qırıcı təyyarələrinin Bəqaya hücumu nəticəsində ehtimal olunan xəsarət və tələfat barədə hələ heç bir xəbər yoxdur.
İsrail rejimi son vaxtlar Livanın Bəqa bölgəsinə hücumlar həyata keçirir və Livandakı müqavimət qrupları arasında gərginliyin artması fonunda baş verən bu hücumlar atəşkəs və beynəlxalq hüququn açıq şəkildə pozulmasıdır. Livanın şərqində yerləşən Bəqa bölgəsi ölkənin həssas və strateji bölgələrindən biridir və bundan əvvəl də İsrailin hava hücumlarının şahidi olub.
