Azadlıq Karvanının Madleen gəmisində olan Avropa Parlamentinin fransalı üzvü Rima Həsən və digər fəallar sionist rejimin təzyiq və hədələri ilə üz-üzə qalıblar.
Əl-Cəzirənin jurnalisti Ömər Fayyadın verdiyi məlumata görə, son günlərdə azad edilən fəallar İsrail qüvvələrinin onlardan məcburən “sənədlər” imzalatmağa çalışdığını bildiriblər. Fayyad qeyd edib: “Məsələn, Avropa Parlamentinin üzvü Rima Həsən hələ də oradadır. O, sənədləri imzalamaqdan imtina edir və bir zabit ona birbaşa hədə-qorxu gəlib: ‘Əgər imzalamasan, başını divara çırpacağam. Bu işi öz üsulumuzla həll edəcəyik.’”
Hadisə beynəlxalq ictimaiyyətin və insan haqları təşkilatlarının diqqətini çəkməyə başlayıb.