Sionist rejimin 14-cü telekanalı Bayden dövləti dəyişmədən öncə Qəzzədə Həmasla girov mübadiləsi və atəşkəslə razılaşmanın baş tutacağından xəbər verib.
İRNA-nın məlumatına əsasən, 14-cü telekanal bu gün (17 dekabr) prezident Baydenə istinadən deyib: Bütün israilli girovlar evlərinə dönməyənə qədər səylərimdən əl çəkməyəcəyəm.
Bundan əvvəl Reuters agentliyi də anonim bir qaynaqdan sitat gətirərək yazmışdı ki, İsrail rəsmiləri Qəzzədə atəşkəs və israilli girovların mübadiləsi zəminində müzakirələri davam etdirmək üçün Dohadadır. Onlar Qətər vasitəçiləri ilə yarıda qalmış məsələləri müzakirə edir. Hal-hazırda Həmas və İsrail arasında 31 may tarixi təklifi müzakirə edilir.