Qafqaztimes xəbər verir ki, Səudiyyə Ərəbistanının Korrupsiyaya Qarşı Mübarizə İdarəsi altı nazirlikdə korrupsiya işi üzrə 250 müttəhimin həbs edildiyini açıqlayıb.
Bu qurum yaydığı açıqlamada saxlanılanların Müdafiə Nazirliyi, Daxili İşlər Nazirliyi, Ədliyyə və Səhiyyə nazirlikləri də daxil olmaqla bir sıra nazirlik və dövlət qurumlarına, həmçinin Təhsil və Bələdiyyələr və Kənd Təsərrüfatı Nazirliklərinə aid olduqlarını bildirib.
Qurumun məlumatına görə, məhbuslara qarşı irəli sürülən ən mühüm ittihamlar rüşvət, vəzifə səlahiyyətlərindən sui-istifadə, saxtakarlıq və dələduzluqdur.
Səudiyyə Ərəbistanı Korrupsiyaya Qarşı Mübarizə Agentliyi son bir ayda bir neçə cinayət və inzibati iş başlatdığını bildirib və əlavə edib ki, indiyə qədər 6459 müşahidə işi həyata keçirilib, 657 nəfər təqsirli bilinib və onlardan 250 nəfəri həbs edilib.