Rusiyada yanacağı bitmək üzrə olan sərnişin təyyarəsi son anda eniş edə bilib.
Bu barədə sosial şəbəkələrdə kadrlar yayılıb.
Bildirilib ki, “Rossiya” aviaşirkətinə məxsus “Sukhoi Superjet 100” güclü qasırğada iki dəfə yerə eniş etmə cəhdləri baş tutmayıb və o, dövrə vurmalı olub.
Üçüncü dəfə dövrə vurarkən pilotlar yanacaq tədarükünün tükənmək üzrə olduğunu anlayıblar. Ekipaj dispetçeri qəzalı yanacaq balansı barədə məlumatlandırıb və “MAY DAY FUEL” siqnalı verib.
Aeroportda xilasetmə qrupu yüksək hazırlıq vəziyyətinə gətirilib. Xoşbəxtlikdən təcrübəli pilotlar və dispetçerlər sayəsində göyərtəsində uşaqlar da daxil olmaqla 75 nəfər olan “Superjet” eniş edə bilib.