Rusiyada iki nəfərin polis idarəsinin ərazisinə qumbara atmasının görüntüləri yayılıb.
Hadisə Amur vilayətinin Tında şəhərində qeydə alınıb.
Videonu elə hadisəni törədənlər mobil telefonla lentə alaraq internetə yerləşdiriblər.
İlkin məlumatlara görə, qumbara “strikeball” və ya “airsoft” adlanan oyunlarda istifadə olunan pnevmatik partlayıcı olub, partlayış yerində onun plastik parçaları aşkar edilib.
Video yayıldıqdan sonra hüquq-mühafizə orqanlarının əməkdaşları ərazidə “Siren” planı tətbiq edib və həmin şəxslər tez bir zamanda saxlanılıblar. Onlara qarşı cinayət işi açılıb.