Rusiya Federasiyasının Başqırdıstan Respublikasının Ufa şəhərində azyaşlı qızın təqib edildiyi görüntülər yayılıb.
Şəhərin Çernikovka yaşayış məntəqəsində naməlum şəxs məktəbin yaxınlığında üçüncü sinif şagirdi olan qızı təqib edib. Həmçinin uşaq meydançasında oğlan uşaqlarına da sataşıb.
Doqquz yaşlı məktəbli qız evə qayıdarkən küçədə bir kişinin onu izlədiyini görüb. Uşaq qorxub və binanın girişinə daxil olub. Evdə bu barədə anasına danışıb.
Valideynlər hadisə ilə bağlı polisə şikayət ərizəsi yazıblar. Bildiriblər ki, kişi daha sonra digər məktəblilərə də qəribə təkliflər edib. Top almaq üçün mağazaya dəvət edib, oğlanlara evə ötürməyi və ya axşam görüşməyi təklif edib. Yerli sakinlər onun manyak olduğunu düşünürlər.