Sankt-Peterburqda dəhşətli hadisə baş verib. Belə ki, Rusiyada məşhur Zapaşnı-Simado-Maslyanovlar sirk ustaları sülaləsinə məxsus olan qadın uzun illərdir təlim etdiyi ayı tərəfindən parçalanıb.
Bu barədə regionun İstintaq Komitəsinin İstintaq İdarəsi məlumat yayıb.
Zərərçəkən təcili yardım gələnə qədər vəfat edib. Polis əməkdaşları heyvanı güllələyiblər.
“İlkin məlumata görə, Parqolovo qəsəbəsindəki sahəsində iki ayı saxlayan qadına heyvanlardan biri hücum edib. Zərərçəkən hadisə yerində vəfat edib. Hücum edən ayı polis əməkdaşları tərəfindən güllələnib. İkinci ayı qəfəsdədir və ətraf üçün təhlükə yaratmır”, – deyə məlumatda vurğulanıb.
Məlumatda o da qeyd edilir ki, peşəkar təlimçi olan və bir çox mükafatlara sahib olan qadın 2015-ci ildən heyvanları öz sahəsində saxlayırmış.