Rusiya rəhbərliyi Kamçatka vulkanlarını qızıl yataqlarından üstün tutan qərar qəbul edib.
Belə ki, vulkanların Dünya İrsi Siyahısından məhrum edilməsinin qarşısını almaq üçün 15 milyard rubldan (263,4 milyon manat) çox investisiyadan imtina edilib.
Bu barədə Kamçatkanın qubernatoru Vladimir Solodov bildirib.
Onun sözlərinə görə, Kamçatka hakimiyyəti “Rodnikovoye” və “Mutnovskoye” qızıl yataqlarına, eləcə də bir neçə kiçik yataqlara investisiyalardan imtina edib.
Kamçatka vulkanları dünyanın ən görkəmli vulkanik bölgələrindən biri kimi 1996-cı ildə UNESCO-nun Dünya İrsi Siyahısına daxil edilib. Obyektin ümumi sahəsi Kronotski Təbiət Qoruğu, Cənubi Kamçatka Təbiət Qoruğu və bir neçə təbii park da daxil olmaqla təxminən 4 milyon hektardır.