Rusiya xarici işlər nazirinin müavini Sergey Ryabkov xəbərdarlıq edib ki, ABŞ-ın İsrailə hər hansı bir birbaşa hərbi dəstəyi Qərbi Asiyadakı vəziyyəti ciddi şəkildə gərginləşdirə bilər.
Mövzu ilə bağlı digər açıqlamasında Rusiya Xarici Kəşfiyyat Xidmətinin (SVR) rəhbəri Sergey Narışkin İran və İsrail arasındakı mövcud vəziyyəti “kritik” adlandırıb.
“İnterfaks” xəbər agentliyinin məlumatına görə, Ryabkov Vaşinqtonu İsrailə birbaşa dəstək verməkdən və ya belə “spekulyativ variantları” düşünməkdən çəkinməyə çağıraraq bildirib: “Bu, bütövlükdə vəziyyəti radikal şəkildə destabilizə edəcək bir addım olardı.”