ABŞ-ın Corciya ştatının mərkəzi Atlanta şəhərində havaya qalxmağa hazırlaşan təyyarədə dava düşüb.
Delta Airlines sərnişin təyyarəsində baş verən hadisənin görüntüləri yayılıb. Qadın sərnişin digər sərnişinə- yaşlı kişiyə əsəbiləşərək maska taxmasını istəyib. Kişi isə sadəcə su içmək üçün maskanı çıxardığını və qadına yerinə oturmasını deyib. Bundan sonra qadın onun üzünə tüpürüb və hətta əli ilə zərbə də endirib.
Mühafizə işçiləri hadisə yerinə gəldikdən sonra qadını təyyarədən uzaqlaşdırıb. Məhkəməyə çıxarılan qadın yüksək məbləğdə cərimələnib.