Rusiya Federasiyasının hazırkı prezidenti Vladimir Putinin 1990-cı illərdə Leninqrad şəhər Xalq Deputatları Şurasında işlədiyi vaxtdan olan vizit kartı Sankt-Peterburqda keçirilən hərracda satışa qoyulub.
Putinin öz əli ilə yazılmış telefon nömrələri olan vizit kartda siyasətçinin ozamankı vəzifəsi də göstərilir: Leninqrad şəhər Xalq Deputatları Soveti sədrinin beynəlxalq əlaqələr üzrə müşaviri.
Məlumata görə, lot üzrə ilkin maksimal təklif 2,8 min rubl (52,63 manat) təşkil edib.
Qeyd edək ki, vizit kartı dekabrın 24-də keçiriləcək hərracda əldə edilə bilər.