İran Prezidenti Pezeşkian təyyarə qəzası nəticəsində bir sıra Azərbaycan vətəndaşlarının həlak olması ilə bağlı Azərbaycan Respublikasının Prezidentinə və xalqına başsağlığı verib.
Məsud Pezeşkian Azərbaycan Respublikasının Prezidenti İlham Əliyevə müraciətində bildirib: Azərbaycan Respublikasının təyyarə qəzası xəbəri acı təəssürat yaratdı. Zati-alinizə və əziz Azərbaycan Respublikasının xalqına, xüsusilə də həlak olanların ailələrinə və yaxınlarına başsağlığı verir, Ulu Tanrıdan həlak olanlara rəhmət, məğfirət, yaralananlara isə tezliklə şəfa diləyirəm.
