ABŞ Silahlı Qüvvələrinin Baş Qərargah İdarəsində Şam və Misir üzrə şöbə rəisi vəzifəsində çalışan polkovnik Neytan MakKormak, sosial şəbəkələrdə İsrail və ABŞ-ın Yaxın Şərq siyasətini kəskin tənqid edən paylaşımlar etdiyinə görə vəzifəsindən uzaqlaşdırılıb.
MakKormak yarı-anonim hesabdan paylaşım edərək, adını, rütbəsini və hərbi geyimli şəkillərini gizlətməyib. O, İsrail rəhbərlərini “yəhudi üstünlüyünü müdafiə edən qrup”, İsraili isə “ölümə sitayiş edən məhvedici ideologiya” adlandırıb. ABŞ-ı isə İsrailin “etnik təmizləmə” siyasətini dəstəkləməkdə günahlandırıb.
MakKormak həmçinin ABŞ-ın İsrailin maraqları naminə vasitəçi kimi çıxış edib-etmədiyini sual edib və ABŞ-da İsraili dəstəkləyən lobbi qruplarını ölkə maraqlarını ikinci plana keçirməkdə tənqid edib.
Mənbə: JNS