QafqazTimes xəbər verir ki, ABŞ Müdafiə Nazirliyinin sözçüsü Pat Rayder cümə axşamı axşam saatlarında İran tərəfindən himayə olunduğu iddia edilən silahlı qrupların son hücumu nəticəsində 12 ABŞ əsgərinin yaralandığını açıqlayıb.
O, həmçinin ABŞ-ın İranın dəstəklədiyi silahlı qruplaşmalara qarşı son hava hücumunda 8 nəfərin öldüyünü təxmin etdiyini açıqlayıb.
Pentaqonun sözçüsünə görə, ABŞ-ın hava hücumunda həlak olan 8 nəfər iranlı deyil, onlar İslam İnqilabı Keşikçiləri Korpusunun dəstəklədiyi qruplarda fəaliyyət göstəriblər.
Rayder iddia edib ki, Pentaqon Suriyada ABŞ qüvvələrinə qarşı hücumların İslam İnqilabı Keşikçiləri Korpusuna bağlı qruplar tərəfindən həyata keçirildiyinə əmindir.
O, əlavə edib: Biz amerikalıları gərginliyi azaltmaq siyasətinə inandırmaq üçün Suriyadakı Amerika qüvvələrini dəstəkləmək istiqamətində müvafiq hərbi tədbirlər görməyə davam edəcəyik.
Bundan əvvəl “Qalibun Briqadası” kimi tanınan İraq müqavimət hərəkatı ötən cümə axşamı günortadan sonra Suriyanın şərqindəki Amerika bazasına hücuma görə məsuliyyəti öz üzərinə götürüb.
Bu bildirib: “Biz elan edirik ki, Qalibun Briqadasının pilotsuz təyyarəsi Amerika qüvvələrinin işğalı altında olan Suriya Ərəb Respublikasındakı Remilan hava limanını mübarək Ramazan ayının ilk cümə axşamı Bağdad vaxtı ilə günorta saat 1-də hədəfə ala bilib.”
Bu bəyanat belə davam edir: “Amerikalı işğalçıların məlumatına görə, bu əməliyyat onların çoxlu sayda əsgərinin ölümü və yaralanmasına səbəb olub.”