İranlı siyasi analitik Hamed Musəvi bildirib ki, ABŞ-la davam edən nüvə danışıqları, İsrailin hücumlarının davam etdiyi bir vaxtda Tehran üçün “ikiüzlü bir qılınc” xarakteri daşıyır. “Bir tərəfdən İran ABŞ-la diplomatik yolları tam bağlamaq istəmir, çünki bu müharibənin dayanmasının yeganə yolu çox güman ki, amerikalıların əsas rol oynayacağı bir diplomatik həll olacaq,” – deyə o bildirib.
Musəvi əlavə edib ki, İran son iki ayda davam edən nüvə sazişi ilə bağlı danışıqları davam etdirmək istəmir: “Ölkə hücum altındaykən bu danışıqları davam etdirmək mənasızdır.”
O, həmçinin Vaşinqtonun ziddiyyətli mövqeyinə diqqət çəkib: “Tramp administrasiyası 60 günlük bir son tarix təyin etdiyini deyirdi, bu tarix keçdi və ardınca israillilər hücum edə bildi.”
Musəvi yekun olaraq belə deyib: “Əvvəlki nüvə razılaşmasının əldə olunması iki il çəkdi, buna görə də əgər amerikalılar doğrudan da səmimi danışıqlar aparmaq istəyirlərsə, zamana ehtiyac var. İranı bombalayaraq boyun əydirməyə çalışmaq əks təsir göstərəcək.”