Makron: Ermənistan torpaqları təhlükəyə düşərsə İrəvanı dəstəkləyəcəyik

Bu sözləri Fransa Prezidenti Emmanuel Makron TF-1 telekanalının efirində deyib.

Fars İnformasiya Agentliyinin məlumatına əsasən, Qarabağdakı son vəziyyətdən danışan Emmanuel Makron Rusiyanın Azərbaycanı dəstəklədiyinə əmin olduğunu bildirib. Onun sözlərinə görə Fransa Ermənistanın ərazi bütövlüyünü saxlaması məsələsini son dərəcə diqqətlə izləyir və siyasi-humanitar yardımlarını davam etdirəcəyini vurğulayır.

Xatırladaq ki, Fransa bu gün də müstəmləkə ərazilərinin istismarını davam etdirir, oradakı milli azlıqların hüquqlarını tapdalayır. Eyni zamanda, başqa ölkələrin daxili işlərinə qarışır, Azərbaycanın Qarabağ iqtisadi rayonunda erməni separatizmini qızışdırır, onların reinteqrasiyasına mane olur. Özünü “demokratiyanın beşiyi” kimi təqdim edən,  ATƏT-in Minsk qrupunun həmsədri olmuş bu ölkənin təcavüzkar Ermənistanı dost və müttəfiq hesab etməsi, Ermənistana dəstək göstərməsi ilk növbədə Fransanın özünə zərbədir. Biz bilirik ki, həmsədr ölkə kimi Fransa heç vaxt ədalətli mövqe tutmayıb.