Britaniya paytaxtının cənubundakı Klapem bölgəsində naməlum şəxsin yoldan keçənlərə aşındırıcı maddə püskürməsi nəticəsində doqquz nəfər xəsarət alıb.
Yaralılar arasında bir qadın və iki uşaq var, həmçinin üç polis xəsarət alıb. Zərərçəkənlər xəstəxanaya yerləşdiriliblər.
Hüquq-mühafizə orqanları hadisənin başvermə şəraitini araşdırır. Cinayətkarın axtarışları davam edir.
London Assambleyasında Leyboristlər Partiyasını təmsil edən siyasətçi Marina Əhməd özünün “X” səhifəsində cinayəti törədən şəxsin insanların üzərinə atdığı kimyəvi maddənin sulfat turşusu olduğunu yazıb.