Livan parlamentinin üzvü sionist rejimin ölkənin cənub bölgələrinə intensiv hücumlarına rəğmən, livanlıların bələdiyyə seçkilərində aktiv iştirakını onların vətən torpaqlarına olan sədaqəti kimi dəyərləndirib.
Qafqaztimesin xarici medialara istinadən verdiyi məlumata əsasən, Həsən Fəzlullah bu gün (24 may) deyib: İsrailin hücumlarının kölgəsində seçki məntəqələrinə gedən Cənubi Livan xalqı seçkilərə qatılaraq “yaşamaq və qurmaq” iradəsini nümayiş etdirir. İndi hökumətin üzərinə torpaqların azad edilməsi, əsirlərin qaytarılması və dağıdılanların bərpası kimi böyük vəzifələr düşür.
Qeyd edək ki, Livan prezidenti Cozef Aud da Cənubi Livan və Nəbatiyyə əyalətlərində bu gün başlayan bələdiyyə və muxtar seçkilərinin dördüncü və sonuncu turunda xalqı seçkilərdə iştirak etməyə çağıraraq deyib: Şəhərinizi və gələcək nəsillərin Livanını qurmaq hər bir fərdin məsuliyyətidir. Vəzifə imtiyaz deyil, xalqınıza sədaqətlə xidmət etmək borcudur.