Livan hadisələri ilə bağlı müraciət

Hizbullahın yanında olun…

İnqilab Rəhbəri:
Bütün müsəlmanlara vacibdir ki, öz imkanları ilə Livan xalqı və iftixar doğuran Hizbullahın yanında olsunlar.
İnqilab Rəhbəri vurğulayıb: Regionun taleyini müqavimət qüvvələri və öncə qürur doğuran Hizbullah təyin edəcək.
İsna-nın verdiyi məlumata əsasən, İslam İnqilabının Rəhbəri Ayətullah Xameneinin Livandakı son hadisələrlə bağlı müraciətinin mətni aşağıdakı kimidir:
Rəhman və Rəhim Allahın adı ilə
Livanda müdafiəsiz xalqın qırğını bir tərəfdən quduz sionist itin yırtıcı xislətini hamıya aşkar etdi, digər tərəfdən işğalçı rejim başçılarının axmaqlığı və puç siyasətini sübuta yetirdi. Sionist rejimə hakim terrorçu banda Qəzzədə törətdiyi bir illik cinayətkar müharibədən dərs almadı. Dərk edə bilmədi ki, qadınların, uşaqların, mülki əhalinin qətliamı müqavimət qurumunun möhkəm binasına təsir göstərib, uçura bilməz. Hazırda həmin axmaq siyasəti Livanda təcrübədən keçirir. Cinayətkar sionistlər bilsinlər ki, Hizbullahın möhkəm quruluşuna zərbə vurmaq səviyyəsindən çox aşağıdırlar. Regionun bütün müqavimət qüvvələri Hizbullahın kənarında və ona arxadırlar. Regionun taleyini müqavimət qüvvələri və öncə qürur doğuran Hizbullah təyin edəcək. Livan xalqı unutmayıb ki, bir zaman Beyruta qədər ərazilər işğalçı rejim hərbçilərinin çəkməsi altında idi. Onların ayağını kəsən, Livanı əziz və üzüağ edən Hizbullah oldu. Livan bu gün də Allahın güc və qüvvəsi ilə təcavüzkar, xəbis, üzüqara düşməni peşman edəcək.
Bütün müsəlmanlara vacibdir ki, öz imkanları ilə Livan xalqı və iftixar doğuran Hizbullahın yanında olsunlar, qəsbkar, zalım, xəbis rejimlə savaşda ona (Hizbullaha) yardım etsinlər.
Salam olsun Allahın saleh bəndələrinə

Seyyid Əli Xamenei
28 sentyabr 2024
Şəmsi 7 mehr 1403