İtaliya və Fransa Ukraynaya zenit sistemi göndərməyi planlaşdırır

QafqazTimes xəbər verir ki, İtaliyanın “La Repubblica” qəzetinin xəbərinə görə, İtaliya Fransa ilə əməkdaşlıq çərçivəsində Ukraynaya SAMP-T zenit-raket kompleksləri göndərmək üçün yeni layihəni nəzərdən keçirir.

Bu qəzet öz mənbələrinə istinadən yazıb ki, bu sistemin Ukraynaya göndərilməsi, yəqin ki, İtaliya hökumətinin Ukraynaya altıncı hərbi yardım paketi çərçivəsində baş verəcək və bu, noyabrın ortalarında bu hökumət tərəfindən təsdiqlənməlidir.

Lakin bu media qeyd edib ki, bu cür silahların Ukraynaya ötürülməsi planı siyasi münaqişələrlə üzləşə bilər. Ukraynaya SAMP-T zenit sistemlərinin göndərilməsi layihəsi təsdiqlənərsə, İtaliya radarlar, Fransa isə bu sistemlər üçün atış qurğuları göndərəcək.

Hazırda belə sistemlər çox azdır – cəmi 10 sistem Fransa tərəfindən, beşi isə İtaliya tərəfindən istifadə edilir.

Bundan əlavə, İtaliya köhnə və istismardan çıxarılan “Aspid” zenit sistemlərini də Ukraynaya göndərə bilər ki, bu sistemlər hələ də təyyarə və dronları vurmağa qadirdir.

Bir neçə gün əvvəl Ukrayna prezidenti Vladimir Zelenski İtaliya və Fransadan ölkəsinə SAMP-T zenit sistemlərinin tez bir zamanda göndərilməsini istəyib.

Zelenski deyib: “Zenit sistemləri istehsal edən çox az ölkə vardır. İtaliya Fransa və Almaniya ilə birlikdə SAMP-T hava hücumundan müdafiə sistemləri istehsal edir və bizim onlara ehtiyacımız vardır.”