İbridilli medialar İranın Dəməşq konsulluğuna hücumdan sonra İsrail səfirliklərinin işləməməsi və boşaldılmasından xəbər verirlər.

Əl Aləm telekanalının məlumatına əsasən, İranın Dəməşq konsulluğuna raket hücumundan sonra İsrailin 7 ölkədəki səfirliyi boşaldılıb.

Yadiut Aharanut qəzetinin yazdığına görə İsrailin Bəhreyn, Misir, İordaniya, Mərakeş və Türkiyədəki səfirlikləri artıq işləmir və boş qalıb.

Qeyd edək ki, 1 aprel tarixində yerli vaxtla saat 17:00 radələrində İsrail HHQ-nin Dəməşqin Mezze məhəlləsini vurması nəticəsində azı 7 nəfər, o cümlədən, İran İslam İnqilabı Keşikçilər Korpusunun (SEPAH) Suriya və Livan üzrə komandanı, general Məhəmməd Rza Zahedi onun müavini Məhəmməd Hacı Rəhimi şəhid olub.

Bu hadisədən sonra Rusiya, Əmman, Pakistan, Küveyt, İordaniya, Misir və bu kimi digər ölkələr sionist rejimin bu mövqeyini pisləyən bəyanatlar yayıblar.