▪ Qəzzədəki Hökumət Məlumat Bürosu, İsrail rəsmilərini 2.4 milyondan çox Fələstinlinin yaşadığı Qəzzə zolağında suyu “müharibə silahı və soyqırım vasitəsi” kimi istifadə etməkdə günahlandırdı.
▪ Büro rəsmi bəyanatında İsrail rejiminin su infrastrukturunu məhv etmək, təmirinə mane olmaq və həyati su təchizatını dayandırmaq yolu ilə “sistemli susuzluq siyasəti” yeritdiyini vurğuladı.
▪ Bəyanatda həmçinin qeyd olunub ki, İsrail qüvvələri qəsdən Qəzzənin şərqində və Mərkəzi mühafəzədə yerləşən iki “Mikrot” su xəttini işləməz hala gətirib, nəticədə gündəlik 35 min kub metr su ilə təmin olunan 700 mindən çox vətəndaş susuz qalıb. Bundan əlavə, Deyr əl-Bələ şəhərindəki su təmizləmə stansiyasının elektrik enerjisini kəsərək onun tam dayanmasına səbəb olublar ki, bu da digər 800 min nəfərin həyatını təhlükə altına alır.
Qafqaztimes