Fələstin İslami Cihad Hərəkatı ABŞ prezidentinin Qəzzə xalqını köçürmə planını pisləyərək 15 ay müharibənin fələstinlilərin möhkəm iradəsini sarsıtmadığını, öz vətənlərini tərk etməyəcəklərini deyib.
Qafqaztimesin xarici medialara istinadən verdiyi məlumata əsasən, İslami Cihad Hərəkatının bugünkü (5 fevral) bəyanatında deyilir: Fələstin xalqı həmişə müqavimət ruhiyyəsini qoruyub saxlayacaq. Bunu ABŞ yaxşı bilməlidir ki, müqavimət Trampdan əvvəl də var idi, sonra da olacaq. Tramp onu da bilsin ki, o, zorakılığını davam etdirərək Qəzzada xalqımızı yalnız köçkünlük seçimi məcburiyyətində qoysa da, Amerika silahları ilə 15 aylıq amansız bombardmanlar Qəzza xalqını vətəni tərk etdirə bilmədisə, bundan sonra da bunu bacarmayacaq.