İraq İslami Müqavimət dəstələri işğal olunmuş Fələstinin şimalında sionist rejim mövqelərinə dronlu hücumlarından xəbər verirlər.
Əl Aləm telekanalının məlumatına əsasən, İraq İslami Müqavimət dəstələri bu gün səhər tezdən (30 oktyabr) bəyanat yayaraq Əl Əqsa Tufanı əməliyyatına dəstək məqsədilə sionist rejimin işğal olunmuş Fələstinin şimalındakı hərbi bazasını dronla hədəfə aldıqlarını elan ediblər.
Bəyanatda işğalçı rejimin Qəzzədə soyqırımına son verməyincə, İraq müqavimətinin hücumlarının davam edəcəyi vurğulanaraq deyilir: Bizim bu hücumlarımız Livan və Qəzzə zolağındakı fələstinliləri müdafiə məqsədilə həyata keçir. Beləliklə, işğalçı rejimin cinayətləri bitənə qədər bizim də bu hücumlarımız davam edəcəyinə əmin olun.