Sionist rejimin İrana qarşı 12 günlük təcavüzü zamanı İranın cavab tədbirləri nəticəsində evsiz qalan israillilər indi şəhər və ətraf bölgələrin küçələrində başıpozuq və sığınacaqsız qalıblar.
İvrit dilli Yediot Ahronot qəzetinin verdiyi məlumata görə, Beer Şeva şəhər bələdiyyəsi, İran raket zərbəsi ilə tamamilə dağıdılan bir məhəllənin sakinlərindən ibarət ailələrdən hadisənin ilk günündən yerləşdirildikləri oteli dərhal tərk etmələrini tələb edib. Əks halda, qalmağa davam etsələr, bütün qalma xərclərini, o cümlədən əvvəlki günlərin ödənişini də öz ciblərindən ödəməli olacaqlarını bildirib.
Qəzet qeyd edir ki, bu insanlar otellərdən çıxarılarkən, sahədən gələn məlumatlar Beer Şevada kirayə qiymətlərinin sürətlə qalxdığını və hal-hazırda kirayə üçün boş ev tapılmadığını göstərir.
Hesabatda deyilir ki, maliyyə naziri Betsalel Smotriç-in İranla müharibədən zərər çəkən hər evsizə 500 şekel veriləcəyi iddiasının əksinə olaraq, evsizlər bələdiyyə vasitəsilə müəyyən mağazalarda istifadə etmək üçün yalnız 1000 şekel dəyərində alış-veriş kuponları alıblar. Onların sözlərinə görə, görünür, bu, rəsmi qurumlardan alacaqları son dəstək olacaq.
Qəzet əlavə edir ki, bu evsizlər əvvəllər öz mənzillərində yaşayan, kiçik uşaqları olan ailələrdir; indi nə köhnə mənzillərinə qayıda, nə də müvəqqəti yerləşdikləri oteldə qala bilirlər. Buna görə də çoxu kirayə mənzil axtarır, lakin hazırda heç bir ev sahibi bir-iki aylıq kirayəyə ev vermək istəmir. Eyni zamanda, artan tələb və evsizlərin bazara daxil olması kirayə qiymətlərini kəskin artırıb və qiymətlər hələ də qalxmağa davam edir.
Evsizlərdən biri Yediot Ahronot-a deyib: “Bizim yaşayış binamız təhlükəli və yararsız elan edilib, buna görə bizi otelə köçürdülər. Amma bu gün bələdiyyədən arvadıma zəng edib dedilər ki, sabaha qədər çamadanlarınızı toplayıb oteli tərk edin, yoxsa qalma xərclərini özünüz ödəməlisiniz. Mən bu mesajı alan yeganə adam deyiləm, bütün qonşularım da eyni vəziyyətdədir.”
Başqa bir Beer Şeva sakini isə bildirib ki, “məsələ yalnız boş mənzil tapmaqda deyil, həm də həmin mənzil mebelli olmalıdır, çünki əşyalarımızı da itirmişik. Boş mənzil tapmayan bir çox insan ətraf şəhərlərə köçüb, amma həm mənim, həm də həyat yoldaşımın işi Beer Şevadadır; hər gün ora gəlib-getmək bizim üçün necə mümkün olacaq? Hesab edirəm ki, məsul qurumlar vəziyyəti idarə etməkdə tamamilə çaşqınlıq içindədir və səriştəsizliklərini göstərirlər.”