İranın Moskvadakı səfiri Kazım Cəlali Rusiya dövlət kosmik korporasiyası “Roskosmos”un rəhbəri Dmitri Bakanovla görüşərək iki ölkə arasında kosmik sahədə əməkdaşlığı müzakirə edib. Görüşdə əsasən aşağıdakı məsələlər gündəmdə olub:
- İrəliləmiş texnologiyaların inkişafı
- Birgə peyk dizaynı və istehsalı
- Birgə infrastruktur tikintisi
- Təlim kurslarının təşkili və bilik mübadiləsi
- Qərb sanksiyalarına qarşı mübarizə
Qeyd edək ki, noyabr ayının əvvəlində “Soyuz-2.1b” raketi “Freqat” üst mərhələsi ilə birlikdə 53 kiçik peyki orbitə buraxıb. Onların arasında İranın “Kösər” adlı məsafədən müşahidə peykləri və özəl İran şirkəti “Space Ümid” tərəfindən hazırlanmış “Hudhud” telekommunikasiya peyki də yer alıb.