İran-İordaniya əməkdaşlığı İsraili təşvişə salıb

İran və İordaniya XİN başçılarının dünənki (20 aprel) telefon danışığı sionist İsrail rejimini təşvişə salıb.

Əl Aləm telekanalının məlumatına əsasən, İsrail rejiminin Maaryo qəzeti yazıb: İran-İordaniya əməkdaşlıqlarının genişlənməsi İsrail rejiminin planlarını pozduğu üçün bu əlaqələrdən çox narahatdır və yəqin ki, xarici siyasətində bir sıra dəyişikliklər etmək məcburiyyətində qalacaq.

Qeyd edək ki, İran və İordaniya arasında münasibətlər isə İran İslam İnqilabından sonra, xüsusilə İordaniyanın İran-İraq müharibəsi zamanı Səddam Hüseynə dəstək olması səbəbilə pisləşmişdi.

Dünən (20 aprel) İran və İordaniya XİN başçıları telefon danışıqlarında ikitərəfli və regional münasibətlər barədə söhbət edərək gələcəkdə yaxın əlaqələrin keyfiyyəti barədə fikir mübadiləsi aparmışdılar.